Page 10 - Lombard language
P. 10
Scriver Lombard, un'ortografia polinomeg-local per la lengua lombarda · Lissander Brasca · Maj 2011 · L99
INTRODUZION
a la prima edizion
Con qell lavorar qì vœli dar la mè contribuzion a la defesa e a la revitalizazion de
tuts i jeolets de la lengua lombarda11, çoè de tuts i dialets jeografeg del
lombard, quei qe ciamom normalment dialets. Ind i so pajine ve inxubissi12 un
sistema ortografeg
. util per representar d'una manera parzialment uniforma tuts i jeolets lombards,
. compagn dei sistema ortografeg drovads per i lengue de normazion recenta
tant'me l'ocitan, el catalan, el galles, el ladin,
. e inrazad13 anca si ind la tradizion leteraria lombarda plussee antiga.
Per mez de qell sistema qì qualsessia lombardofon, qe al parla un jeolet de una
qualsessia zona de la rejon lombarda, al podariss scriver un test
. comunegativament important,
. de interess soralocal,
. comprensibel per tuts i olter lombardofon,
. senza dover pensar ind un jeolet qe al sia minga el so
. e senza sconder completament ind la scritura l'identitaa del so jeolet.
Ge tegni a remarcar jemò da adess qe in qei pajine qì intendi minga inxubir dei
forme lenguistege uniformade (= koinè lenguistega), çoè vœli dir-g a nissun "la
tal parolla l'è mei prononziar-la de qella manera qì plutost qe d'un'oltra..." ma
plutost inxubir un sistema qe l'uniforma parzialment domà la representazion
grafega dei diverse prononzie locai, al limet individuai (= koinè ortografega).
Per esempi, per intender-s, la prefazion qe havii lejud ind i pajine indree l'ha
pensada e l'ha scrivuda el professor Tamburell ind la so varietaa, quella de la
Bassa Pavesa, inscambi tute i oltre pajine qe lejarii i'hoo pensade e scrivude mi
ind el "mè" milanes, compagn de quell qe pensen e parlen tuts i lombardofon dei
mè bande. Fors a un quaigidun al podarà someiar qe el mè lenguaj al se slontana
un zic da la manera de parlar lombard, dixem inscì, "usual" al dì d'incœ, soratut
per via de certe espression tipege del lenguaj scientifeg e dei rejister formai.
14
Defait, dal moment qe parlaroo de robe qe incœ sem minga usads aesprimer in
lombard, a drovaroo dei parolle qe incœ paren poc familiar, ma qe se drovaven
normalment anc'mò qe l'è un quai dexeni, quand qe in Lombardia tuts parlaven
11 La l'è classifegada da l'UNESCO intra i lengue in pericol, cont el codex ISO 639-3
lengua lombarda
lmo
12 ve inxubissi = ve proponi
13 inrazad = inradixad
14 usads a = abituads a
10
