Page 8 - Lombard language

Scriver Lombard, un'ortografia polinomeg-local per la lengua lombarda · Lissander Brasca · Maj 2011 · L99

premessa qe una lengua la g'habia d'haver-g nomà4 una parnonzia e un'unega

gramatega "correta", e qe ogni ojet al g'habia d'haver-g nomà un nom, drovad

dai parlants de qualsia5 zona. Anca se qolla situazion qì l'è staita considerada

"ideal" per i lengue standardizade int el 19esim secol, a l'è mìa una condizion

necessaria né desiderabil e l'è esplicitament sqivada6 per i lengue de normazion

recenta, indè qe se preferissa aplicar un sistema de normazion lenguistega

plussee "democrateg", e donca qe al rispeta i variant local. Ciapom un olter

esempi dal galles. El verb "andar" 'l se dixa “münd” in certs dialets del nord,

“mInd” in certs olter e “mind” int i dialets del sud. La soluzion unitaria l'è qolla de

drovar la letera "y" in qoi contests qì, donca tuts i scriven "mynd" ma

i mantegnen la parnonzia local int la letura e, naturalment, int el parlar. Qoll fat

qì al mena adree duu benefici imediads:

1. i variant de l'istess sistema lenguisteg i venen trade insema sota un uneg

sistema ortografeg drovad int la aministrazion, int i media, int l'editoria, int la

cartellonistega etc.,

2. i dialets local i resten protejuds: la koinè ortografega la imponn mìa né la

favoriss i parnonzie de una zona particolar. Tant [münd] qe [mind] o [mInd]

i enn parnonzie lejitime per la parolla scrivuda .

L'ortografia polinomega qe el Lissander Brasca l'inxubissa in qoll document qì

l'ofra una soluzion compagna per el lombard, indè qe i esisten dei alternanze

fonolojege compagn de qoi osservade int la situazion gallesa. El potenzial de qoll

modell qì a l'è tal qe al permet de passar-g sora ai desvari7 qe g'è intra i dialets

lombards, just perqè qoi diferenze qì i enn per la major part prevedibil dal contest

fonolojeg e donca sintetizabil int un sistema ortografeg unitari. Donca qolla

soluzion qì la ge permet ai lombardofon de haver-g "l'œv e la gallina": da una

banda se g'ha un sistema unitari qe al trà insema i diverse variant sotaforma de

un'ortografia unega per tute i zone de la rejon e da l'oltra se g'ha una total

"democrazia" lenguistega qe la sqiva el predomini de una variant sora i oltre.

Ma la proposta del Brasca la se ferma mìa nomà a qoi considerazion qì pratege.

Qoll qe al la renda anc'mò plussee ingolosenta8 l'è el fait qe l'è inradixada9 int la

tradizion lenguistega de la Lombardia antiga, dal moment qe la se basa sora dei

4 nomà = domà
5 qualsia = qualsessia
6
sqivada = evitada
7 desvari = diferenze
8 ingolosenta = atraenta
9 inradixada = radegada, inrazada

8