Page 9 - Lombard language
P. 9
Scriver Lombard, un'ortografia polinomeg-local per la lengua lombarda · Lissander Brasca · Maj 2011 · L99
cerne grafege present int la koinè lombarda medieval e qe la drœva dei traits
ortografeg qe una vœlta i eren comun ai do macrovariant. Qolla carateristega qì
la g'ha el potenzial de far arenta i scritor lombards intra de lor ma anca a la so
leteradura plussee antiga e, per certs vers, plussee prestijosa. 'Mè qe l'è stait
desmostrad paregie vœlte in varie situazion lenguistege, se pœ no defender una
lengua senza inserir-la int i scœle, int l'aministrazion, int i media. Donca el
desvilup de un sistema ortografeg comun a tute i variant de un cert sistema
lenguisteg rejonal a l'è indispensabil al manteniment lenguisteg, e l'ortografia
polinomega qe l'inxubissa el Brasca la ofra una soluzion coerenta tant dal pont de
vista storeg-filolojeg qe da qoll sincroneg.
Marc Tamburell, Universitaa de Bangor, UK
INTRODUZION
a la segonda edizion
In qella segonda edizion qì inxubissi i istesse forme-koinè qe hoo presentad ind la
prima edizion (dexember 2011), n'hoo jontad minga né tirad via. Hoo domà
cercad de render un poo plussee ladine10 dal pont de vista descorsiv certe part del
test, hoo desvilupad un zic un para de reflession qe eren jemò present ind la
prima edizion e soratut hoo jontad ind la pendex un quai esempi de trasliterazion
per una quai varietaa lombarda in plu, per far un poo plussee complet el quader.
In red se pœ consultar el dizionari de Scriver Lombard: dizionarilombard.eu.pn;
facebook.com/scriver.lombard
Bona leitura.
Lissander Brasca
10 ladine = sœli, facil, scorrevel
9
