Page 13 - Lombard language

Scriver Lombard, un'ortografia polinomeg-local per la lengua lombarda · Lissander Brasca · Maj 2011 · L99

1. I OBIETIV

1.1. L'OBIETIV JENERAL

El sistema ortografeg qe ve inxubissi al serviss de representar i varietaa

jeoletai lombarde d'una fœja20 plussee uniforma de quell qe fann i

tradizionai ortografie fone(ma)tege21

. per render ogni test pensad e scrivud ind un qualsessia jeolet lombard plussee

imediatament comprensibel ai parlants de tuts i olter jeolets lombards

. inzigar, in conseguenza, una major produzion, circolazion e scompartizion de

opere artistege (canzon, teater, prœsa etc.) e de tests jornalisteg e prosasteg in

jeneral, pensads ind i diverse varietaa jeoletai lombarde (cfr. Fishman, 1991)

. e render economegament plussee vantajosa l'utilizazion scrivuda de ogni jeolet

lombard ind i contests ofiçai, per esempi ind la burocrazia e ind la scœla.

1.2. I OBIETIV STRATEJEG

L'obietiv jeneral qe hoo insegnad22 qì de sora, pensi de poder spartir-l in

6 "obietiv stratejeg":

1.2.1. DAR-G LA PRECEDENZA A LA REPRESENTAZION CIARA DEI

SEGNIFEGADS LESSEGAI E FONZIONAI PLUTOST QE A LA REPRESEN-

TAZION UNIVOCA DEI VALOR FONEMATEG E FONETEG DE OGNI JEOLET.

In sostanza quest al vœl dir meter de banda l'idea, ereditada dai greg e dai latin

antig, conforma la qual la grafia la g'ha de representar d'una manera inequivoca

i son de la lengua (cfr. Iannàccaro 2005: 104), çoè a dir la so part plussee

superfiçal, e orientar-s vers una grafia plussee profonda, qe la representa

d'una fœja plussee uniforma i morfema, çoè i unitaa mineme representative del

segnifegad. Se se dem per obietiv la representazion ciara del morfema, al sarà

plussee facil trovar una forma grafega unega per i forme fonege jeografegament

diversifegade de l'istess morfema. Per acetar qell'idea qì, revoluzionaria per qilè

qe g'è stait alfabetizad in italian ma normal per i anglograf, i francograf, i

20 d'una fœja = d'una manera
21
In qell lavorar qì ciamaroo fone(ma)tege i grafie tradizionalment e variament definide fonetege,
fonemege o fonematege, çoè quei qe g'ha per obietiv la representazion univoca de la sequenza dei
son ind la parolla.
22 insegnad = indicad, illustrad

13