Page 15 - Lombard language
P. 15
Scriver Lombard, un'ortografia polinomeg-local per la lengua lombarda · Lissander Brasca · Maj 2011 · L99
Se sem d'acord con qei reflession qì, inlora pœdom elaborar, tant'me qe hoo fait
mi, e aprezar, tant'me speri qe farii violter, un'ortografia qe la sia una mestura
rexonada de
. FONOGRAMA, çoè forme grafege qe representen i unitaa fonolojege e qe
ind el "nost" sistema inn de duu jener:
- FONEMEG
- DIAFONEMEG
. LOGOGRAMA, çoè forme grafege qe representen diretament dei unitaa de
segnifegad, sariss a dir dei morfema
Ind el "nost" sistema:
1. i fonograma fonemeg servissen de representar i part minga koineizade de la
radix lessegal dei parolle e de certs morfema fonzionai. Prevedi de minga
koineizar i elements fonemeg per i quai se osserva una variazion (1.) minga
sistematega ind el diasistema lombard e (2.) minga talment molteplex da
sujerir la reduzion a vuna o do forme scrivude. In sostanza i fonograma fonemeg
representen i fonema tant'me ind l'ortografia italiana; la so utilizazion,
insema de un olter espedient qe presentaroo plussee inanz, la rend qella
ortografia qì anca local e minga domà polinomega;
2. i fonograma diafonemeg koineizen i elements fonemeg per i quai se osserva
una variazion sistematega - donca predixibel - ind el diasistema lombard e
permeten inscì una representazion plussee uniforma dei morfema lessegai. In
sostanza coinciden asquas semper con quei qe normalment vegnen ciamade
forme storege o etimolojege. Faxem una quai considerazion:
a. a nivell diasistemeg un fonograma diafonemeg al representa né un fonema
né un insema de fonema, ma plutost un'ideal antiga forma comuna a tuta la rejon
qe despœ29 l'è confluida in dei fonema divers ind i vari sistema fonemateg locai;
b. per rexon de la30 convivenza ind el lesseg lombard (comè ind el lesseg de
qualsessia oltra lengua) de forme patrimoniai e de forme imprumedade31, ind la
ment de ogni parlant un fonograma diafonemeg al pœ representar - a segonda de
29 despœ = sucessivament, pœ
30
perrexondela=perviadela,inbasala
31 imprumedade = ciapade in prestit (da dei oltre varietaa lenguistege). Con l'espression forme
imprumedade se referissi al concet jeneral de "efeit del contait lenguisteg" su qualsessia nivell de la
lengua.
15
