Page 16 - Lombard language
P. 16
Scriver Lombard, un'ortografia polinomeg-local per la lengua lombarda · Lissander Brasca · Maj 2011 · L99
la provinça - vun o duu son (dei vœlte tri), qe ge coresponden al desvilop de la
forma patrimonial e al desvilup de la forma imprumedada32. Siqè el so valor
foneg a l'è diversifegad a l'interna del diasistema lombard ma pœ dar-s
anca a l'interna de ogni sistema fonolojeg local;
3. i logograma representen diretament dei morfema fonzionai - çoè
desinenze, determinativ, preposizion, pronom cliteg - e certs averbi e pronom
toneg, de manera fonografegament independenta denanz dei33 morfema
lessegai; i vegnen facilment recognossuds per icone34, per mez de una leitura
"global", "cont un'ogiada", diversament dai morfema lessegai qe inn interpretabel
anca per mez de una leitura fonografega sequenzial; la realizazion fonega de
un logograma l'è jeografegament diversifegada.
I fonograma diafonemeg e i logograma, inn i duu jener de forma-koinè qe
caraterizen qella ortografia qì, donca inn l'ojet principal del mè interess in qell
lavorar qì. Ie descrivaroo de manera plussee precisa e ie esemplifegaroo ind el
capitel qe vegn.
Un'ortografia qe la se basa programategament in su qei elements qì
(fonograma diafonemeg e logograma) la pœ no e la vœl no hver-g
un'esaustiva fonzion informativa in su la prononzia, ma plutost la suponn35
qe la competenza qe ogni parlant al g'ha de la so varietaa lenguistega, lu l'habia
otegnuda soratut per mez de l'oralitaa. Per esempi, un parlant milanes "al sa
jemò" qe ind la so citaa a la scrizion < citaa > ge corespond incœ normalment [
t∫i'ta: ] ma a < cigera > ge corespond oltertant normalment [ ∫i'gera ]; al sa
jemò qe < citaa > al se prononzia [ t∫i'ta: ] ma anca < l'ha parlad > al se
prononzia istessament [ lapar'la: ] anc ben qe36 l'ultem son, identeg ind i do
parolle, al sia scrivud ind i do parolle in do manere diverse. I prononzie de qei do
parolle qì lu ie imprend no da la scritura, i'ha jemò imprendude diretament da la
vox dei so jent, parents, amix, da la vox dei persone incontrade a la longa de37
tuta la so vita, da una canzon o da un filmad in su youtube... ("I fiœl inn bon de
elaborar fras gramategalment complesse jemò da l'etaa de tri agn, senza l'ausili
32 Certs autor spiegen vari cas de qell fenomen qì cont el principi de la difusion lessegal de la
mudazion fon(olojega). Cfr. Wang 1969.
33 denanz de = respet a, de front a
34
per icone = comè icone
35 la suponn = la presuponn
36 anc ben qe i sien = siben qe, anc quand, anca se inn
37 alalongade=per,adreea
16
