Page 18 - Lombard language

Scriver Lombard, un'ortografia polinomeg-local per la lengua lombarda · Lissander Brasca · Maj 2011 · L99

fonega la se pœ minga derivar per mez d'una regola, e qell fait qì al jena i43

italograf e, in jeneral, quei qe è usad a un'ortografia prevalentement o totalment

fone(ma)tega.
Ind el sistema SL inscambi i forme grafege etimolojege inn

cernide comè fonograma diafonemeg domà subordinadament a la so

fonzionalitaa fonografega ind la sincronia atual;

2. l'obietiv programateg de representar de manera grafegament uniforma

i diverse prononzie diatopege atuai al motiva la cerna logografega

e diafonemega plussee per el lombard del dì d'incœ qe per el frances del dì

d'incœ, normad e standardizad in sens "paris-centreg". Diit diversament, g'hem

una rexon in plu per pontar a la representazion unitaria del morfema e del

diasistema fonolojeg se, comè qe l'è ind el noster cas, vœlom representar con

l'istessa grafia varie prononzie sincronege diverse e vœlom minga forzar certs

parlants a cambiar la so prononzia in favor de una prononzia previlejada, comè

qe inscambi l'è stait per i varietaa frances de front a la prononzia de Paris. Ind

i temp indree anca ind l'ortografia francesa certe forme grafege g'hann havud,

per el manc44 ind i intenzion, la fonzion de representar uniformement dei

prononzie locai descompagne (cfr. Argod-Dutard, 1996: 137);

3. per rexon de la streitissema parentella qe g'è intra i jeolets lombards, se

drœvom comè logograma la forma fonografegament interpretabel comè la

varietaa fonega manc slisada45 (sariss a dir qe la esprim la major quantitaa de

material foneg etimolojeg) atestada incœ in Lombardia, se cava un quai resultad

vantajos:

a. per certs parlants la forma l'è, comè qe hoo diit, diretament fonografega, çoè

interpretabel comè una scrizion fone(ma)tega;

. per paregg d'olter parlants la forma la "sona" familiar perqè la esist ind la so
b

competenza passiva, anca ind la so interpretazion fonografega, dejà qe l'hann

sentuda ind un quai sit in Lombardia, sperem inçadess semper plussee anca su

Internet, a la TV e a la radio;

c. se representa asquas semper la forma sotastanta comuna (v. box infra), qe

la esist ind la ment de tuts i lombardofon o de paregg de lor e qe la emerj ind la

derivazion, ind la flession o in certs contests fonolojeg, anca ind i varietaa

plussee slisade. Credi qe i carateristege , e qe hoo mostrad qì de sora
ab c

rendarien i logograma "familiar" ind la percezion dei lombards.

43 aljenai=algedàfastidiai
44 per el manc = almanc, perlomen
45 slisada = erosa, smangiada

18