Page 19 - Lombard language

Scriver Lombard, un'ortografia polinomeg-local per la lengua lombarda · Lissander Brasca · Maj 2011 · L99

Per dar un'idea strasintetega de cossè qe l'è la forma sotastanta, te'l qì

un esempi ciapad dal milanes e vun ciapad dal bergamasc:

1. la / -l / in sillaba tonega final - i milanes, per esempi, i dixen [ sa:, fjø:

] ma [ sa'lada, fjøla ];

2. la / -n / in sillaba tonega final - i bergamasc, per esempi, i dixen [ ga'ti

] ma [ ga'tina ].

Dal moment qe ind el milanes e ind el bergamasc el morfema del feminil

singolar l'è / -a / (e minga / -na / né / -la /), e qe ind el milanes el

morfema del participi passad feminil de la prima conjugazion l'è / -ada /

(e minga / -lada /), la domanda qe la sorjiss l'è: da indovè qe i vegnen

qella / n / e qella / l / qe sentom ind i forme feminil e derivade e qe hoo

sotliniad ind i esempi qì de sora? Segond la fonolojia jenerativa la

resposta l'è qe qei son qì fann part del morfema lessegal (ind el cas de

sal- e fiœl-) e del morfema alterativ (ind el cas de gat + in-), çoè inn dei

forme lenguistege profonde (= sotastant), inradixade ind la ment dei

parlants, ma qe "vegnen a la superfix" - çoè i se manifesten ind la

prononzia - domà in certs contests fonolojeg - çoè a segonda dei son qe

g'hann arenta in la parolla o in la fras. Siqè se num decidom de

representar ind la grafia, semper o asquas, i forme sotastant de ogni

varietaa del lombard - comè qe ve inxubissi mi - ne cavom una scritura

dei nosts jeolets jeografegament ben plussee omojenia de quell qe ne par

normalment la so prononzia. I milanes scriven < sal > compagn precis qe

i fann i bressan, i bergamasc, i cremones, i mantoan etc. I bergamasc, i

bressan etc. scriven < gatin > compagn precis qe i fann tuts i olter

lombards. Ge tegni a remarcar46 qe cont el "portar a la superfix" i forme

sotastant num rivom a uniformar la grafia senza far recors a dei forme

grafege domà convenzionalment e artifiçalment uniformant, çoè qe g'hann

minga de real consistenza lenguistega. Al contrari representom dei forme

lenguistege qe inn realment scompartide dai lombards, qe inn de

bon ind el coo de tuts i lombards e qe costituissen i elements d'una real

unitaa lenguistega soraprovinçal.

46 remarcar = sotliniar, meter in evidenza

19