Page 21 - Lombard language

Scriver Lombard, un'ortografia polinomeg-local per la lengua lombarda · Lissander Brasca · Maj 2011 · L99

c. l'idea gaboladora50 segond la qual el lombard al saria un dialet - çoè

una varietaa - de la lengua italiana, e qe donca a l'è natural representar-l

cont un'ortografia compagn de quella qe se drœv per l'italian;

d. l'abituden culturalment passiva a pensar i nosts jeolets lombards minga

comè dei struments de comunegazion tout-court ma plutost comè dei

varietaa "naturalment" complementar, dal pont de vista socio-fonzional, a

l'italian, destinade a esprimer-s domà ind i rejister informai e colloquiai,

consacrade definitivament e redutivament a la fonzion de representar

domà l'identitaa local, domà i son d'una poesia qe la parla del nost paes

ind el dialet del nost paes e qe donca per representar-i la sia necessaria

una grafia fonematega o, mei anc'mò, fonetega, qe la representa d'una

manera univoca tute i peculiaritaa dei prononzie locai, "...sedenò cossa al

serviss de far scriver in dialet ?". Qella idea qì la isola, la rend manc

intercomunegants de quell qe podarissen vesser, i nosts jeolets lombards,

qe in realtaa inn varietaa jeografege de l'istess sistema lenguisteg

gallo-italeg51 (qe mi ciamaria plussee coerentement gallo-cisalpin) e

potenzialment ben plussee intercomprensibel de quell qe la volaria

l'opinion comuna. Intuitù de52 quest a l'è important remarcar

strasintetegament un fait53: i ortografie fone(ma)tege "classege" o

"tradizionai" del milanes, del bergamasc, del mantoan etc. (Porta,

Cherubini, Rugger etc.), inn nassude con la fonzion programatega de

representar i son dei prononzie dei dialets municipai, con la leteratura

"dialetal reflessa", idest54 consapevolment complementar, dal pont de vista

stilisteg, fonzional e cultural a la leteratura in lengua francesa o italiana

una vœlta qe i editor e la major part dei leterads hann cernid qei lengue qì

per lengue previlejade de la comunegazion volgar stampada, segond i

interess globalizador del capitalism de la stampa (print-capitalism, cfr.

Anderson 1991). E defait, inanz de l'invenzion de la stampa, a la longa

de55 paregg secol, i poeta e i fonzionari de cancelleria lombards - ecisalpin

in jeneral - haveven drovad, per la leteratura e per la comunegazion

50 gaboladora = inganadora, falladiça, errada
51 In qell'edizion qì, per comoditaa drovaroo l'ajetiv e el nom gallo-italeg, contestabel ma cognossud
internazionalment. Mi preferissaria drovar l'ajetiv e el nom .
gallo-cisalpin52
intuitù de = a proposet de
53 L'è un argoment qe al merita un profondiment qe pœdom no frontar in qell lavorar qì.
54 idest = çoè
55 a la longa de paregg secol = per paregg secol

21