Page 23 - Lombard language

Scriver Lombard, un'ortografia polinomeg-local per la lengua lombarda · Lissander Brasca · Maj 2011 · L99

L'unitaa lenguistega de la Lombardia se pœ facilment manifestar-la cont el far

emerjer ind la grafia i forme sotastant, qe inn comune, asquas semper, a tuts i

jeolets. Ma se podariss veder el concet da la part inversa: dejà qe g'è una

streitissema parentella lenguistega intra i jeolets lombards, la forma sotastanta

comuna la emerj asquas semper, automategament se in fonzion de logograma-

koinè o diafonograma-koinè se drœv la forma fonografegament interpretabel per

la variant diatopega manc slisada, idest quella qe la esprim la major quantitaa de

material foneg etimolojeg. Qella variant qì la representa una fas pregressa dei

variant plussee slisade e, per la stragranda majoranza dei cas, ind i varietaa

plussee slisade la se manifesta anc'mò incœ ind la flession, ind la derivazion e in

certs contests fonolojeg. Implunemanc la cerna de representar la forma

sotastanta mi la subordenaria (per adess?) a l'esistenza, ind la diatopia atual, de

la so realizazion fonetega ind i parolle minga derivade e minga fletude o a la so

fonzionalitaa gramategal. Per esempi in *< citad >, per rexon de la prononzia

slongada de l'[ -a. ] final ind el milanes [ t∫i'ta: ] e per rexon del [ -d- ] in [

t∫ita'diŋ ] se podariss presumer qe el [ -d ] al sia una forma sotastanta. Ma anca

se desmostrassom qe l'è inscì, al resta el fait qe

. el < -d > al representa minga un morfema fonzional,

. in nissuna dei zone lombarde se prononzia *[ (s)itat, (s)itad ]. Siqè per adess

mi a sqivariss59 de fissar el <-d> ind el standard de la koinè ortografega. A

l'scrivariss domà ind i varietaa qe g'hann [ -d, -t ]; per esempi: milanes < axee >

[ a'ze: ] ma vogeres < axed > [ a'ze:d ].

1.2.4. INXUBIR UN MODELL AL QUAL PŒDEN ADERIR ANCA I OLTRE

VARIETAA DEL CONTINUUM GALLO-(ITALEG)

L'intenzion programatega de mantegnir manifeste ind la grafia paregie

peculiaritaa fonege locai la rend qell "nost" sistema qì potenzialment e utelment

estendibel anca ai varietaa lenguistegament e jeografegament vexine

a quei lombarde, senza sconder-n l'identitaa - anca per mez de un quai grafema-

bandera, se propi se vœl - e senza alterar l'equilibri jemò otegnud per i jeolets

lombards. Qella eventualitaa qì la faria cresser esponenzialment el valor comerçal

60 61
de un'ingurabeleditoria in koinè ortografega: ben plusseede tests scrivuds in

59 sqivariss = evitariss
60 ingurabel = augurabel
61 ben plussee = paregg plussee

23