Page 25 - Lombard language
P. 25
Scriver Lombard, un'ortografia polinomeg-local per la lengua lombarda · Lissander Brasca · Maj 2011 · L99
per esempi la soa de lor o quella de un personaj de una poesia,
. qe nissun al vœl né trasliterar i classeg de la poesia lombarda né
o spontaneament fonogramatege qe lor hann
sostituir i ortografie classege
semper drovad per i so poesie,
. qe quella de indicar con precision i prononzie ind i scrits l'è un'esijenza
estremament speçalistega, sentuda realment da strapoqe persone -
fondamentalment da certs poeta - in poc moments de la so ativitaa lenguistega
(e responder a qell'esijenza qì l'è minga la fonzion primaria e imanenta del
lenguaj uman qe l'è, inscambi, comunegar dei segnifegads),
. ma anca qe, ind i publegazion de tests poeteg, qualsessia sort de
ortografia, siben rica de elements logografeg e diafonemeg compagn qe l'è la
"nosta" o quella inglesa, francesa, ocitana etc., la se pœ semper comodar in
sens fone(ma)teg per responder ai varie esijenze dei poeta.
Implunemanc pensi qe al saria mei inxubir dei ipotesi de utilizazion fone(ma)tega
de qell sistema ortografeg nœv qì de manera qe un qualsessia poeta, un bell
moment qe l'havarà imprendud i regole jenerai de l'ortografia nœva, al g'habia
jemò da subet una quai idea per marcar, con precision e organegament a qei
regole qì, la so prononzia. Esatament comè qe al pœ far incœ un qualsessia
parlant de un dialet italian cont el drovar i principi de l'ortografia italiana, es.:
< mi piasce la hohahola; ché ffai? ché vvuoi? ma che mme stai a ddì? Passame er
tubbo de féro >. De tute i manere la comodazion fone(ma)tega de l'ortografia SL
ai esijenze dei poeta la g'ha de piaxer-g, per definizion, ai poeta medem64, donca
l'è mei sotliniar la so sostanzial independenza de front a la koinè ortografega
drovada "normalment". Diit a la curta, ge pensarann i poeta a catar fœra la
.
manera qe ge someiarà plussee adeguada
Per tute i carateristege enumerade ind i ponts 1-6 ("i obietiv stratejeg"),
qell'ortografia qì la se loga ind una continuitaa ideal cont i scripte
cancelleresqe medievai, nassude just con l'intenzion de render plussee
facil la comunegazion "dei segnifegads", in volgar, intra zone e stats
lenguistegament vexin, plutost qe per insegnar "i son de la prononzia de
un poeta". Però denanz ai speriments medievai l'ortografia SL la g'ha
l'ambizion de vesser:
64 medem = medesem
25
