Page 27 - Lombard language

Scriver Lombard, un'ortografia polinomeg-local per la lengua lombarda · Lissander Brasca · Maj 2011 · L99

Ma anc'mò plussee bell far 66 l'è lejer un test scrivud con qell'ortografia qì.

Faxem un speriment: d'adess inanz provee a domandar-s plu "qi le sa

comè qe el Brasca al prononzia qella parolla qì qe lu l'ha scrivud inscì"

(concess per vera qe se l'domandii anc'mò) e cerqee plutost de andar-g

adree al test e a interpretar-l fonetegament, magara a volta vox, conforma

la vosta prononzia, senza pensar-g su trop, de manera istintiva, intuitiva.

Ind el jir de un quai quart d'ora restarii lì per67 la sveltixia qe l'havarà

ciapad la vosta leitura! Un lenguista espert de sistema ortografeg, Edward

Carney, al dix: "La leitura l'è un induvinar sostegnud da informazion (an

informed guess)". L'è evident però qe qell speriment qì al fonziona se sii

bon debon de parlar el "vost" dialet. Defait, comè qe hoo jemò diit,

qell'ortografia qì la serviss no de mostrar comè qe se prononzia i parolle,

anzi la preved qe la lengua representada la sia trasmetuda e aquisida

soratut per mez de l'oralitaa comè tute i lengue verament vitai. L'è evident

anca si qe se sii minga milanes ve s'incorjarii qe in qell test qì, qe l'è stait

scrivud da un milanes, g'è una quai parolla diversa da quei qe drovii

violter, ma al sarà minga quell gran problema...! Quand qe ge sarà in jir

un bell poo de tests scrivuds in koinè ortografega, pensads anca ind la

vosta varietaa, l'abituden e la sveltixia ind el lejer cressarann

esponenzialment. Inlora podarii gustar infin in fond i vantaj del sistema

ortografeg polinomeg-local.

66 plussee bell far l'è lejer = plussee facil l'è lejer
67 restarii lì per = se stupissarii de

27