Page 24 - Lombard language
P. 24
Scriver Lombard, un'ortografia polinomeg-local per la lengua lombarda · Lissander Brasca · Maj 2011 · L99
ben plussee de jeolets gallo-(italeg) sarien ben plussee comprensibel per ben
plussee de jent, donca ben plussee vendibel. Plussee de editoria per ogni
.
jeolet al volaria dir plussee de prestij per ogni jeolet
1.2.5. INXUBIR UN MODELL INDOVÈ QE I ELEMENTS KOINEIZADS PŒDEN
CRESSER DE NUMER IN DEI PREVEDIBEL ULTERIOR FAS DE REFLESSION
SORA L'ORTOGRAFIA, SENZA ALTERAR I EQUILIBRI JEMÒ IMPIENTADS62
IND LA PRIMA FAS
Al me par preferibel impientar qell lavorar qì de koineizazion grafega del lombard
conforma un sqema qe al preveda varie fas possibel, a travers dei quai el nivell
de unifegazion formal de la grafia la pœda cresser, a segonda de l'esijenza qe
i lombards i sentarann. Per una prima fas pensi qe al sia mei forzar minga trop
l'istintiv - anca siben culturalment condizionad - besogn de certs parlants de
veder representada anca ind la grafia la "diversitaa" intra el so dialet de lor e i
dialets vexin (nivell I). In dei fas sucessive el numer dei elements koineizads al
podaria cresser (nivell II...). D'oltra part a l'è normal (anca se minga obligatori)
qe un lavorar compagn de qest qì al g'habia de articolar-s ind una filera de fas
e de "reforme", donca al val la pena preveder-i struturalment da subet.
Ind la descrizion dei forme-koinè e ind i esempi relativ, faroo distinzion intra un
nivell I e un'ipotesi de nivell II de la koinè ortografega (v. infra).
1.2.6. PAREGIAR63 UNA QUAI IPOTESI DE UTILIZAZION FONETEGA DE
L'ORTOGRAFIA PER I POESIE
Specularment a la possibilitaa de far cresser el nivell de koineizazion
(= uniformazion) de la grafia, g'hoo idea qe se dovarà preveder una quai ipotesi
de sistema integrad de scritura fone(ma)tega basad in su la nœva koinè
ortografega. Inanz de tut ai cultor de la tradizion leteraria se dovarà spiegar
. qe qella ortografia nœva qì l'è faita aposta per esprimer uniformement
i segnifegads dei parolle, al fin de render socialment plussee fonzional ogni
jeolet lombard ind la socetaa alfabetizada e iperscriventa del dì d'incœ,
. qe qell'ortografia qì l'è intenzionalment minga pensada per satisfar del tut
l'esijenza qe g'hann certs poeta de indicar de manera inequivoca una prononzia,
62 impientads = impostads
63 paregiar = prontar, predisponer
24
