Page 20 - Lombard language

Scriver Lombard, un'ortografia polinomeg-local per la lengua lombarda · Lissander Brasca · Maj 2011 · L99

La cerna logografega e diafonemega a l'è el solt qe num, promotor dei

lengue minga recognossude (e in particolar minga normade) fem

fadiga a far o, plussee semplicement, a sem no de poder far quand qe

prœvom a elaborar una "grafia comuna" per i noster jeolets. Vœlom l'œv e

la gaina: da una banda se insognom de la "grafia comuna" qe la ge

permeta ai noste varietaa de sgolar volte ind el Olimp de l'editoria, de

manifestar per intreg el so potenzial social e comunegativ de lengua

"vera"; da l'oltra banda se mostrom esajeratament preocupads de

representar ind la scritura ogni poc47 desvari foneg qe g'è intra el nost

dialet e i dialets vexin e sentom comè un tradiment qualsessia poca

renonzia a la representazion univoca dei son. Qella preocupazion

imobilizanta qì la g'ha varie possibel orijen:

a. l'abituden a l'ortografia italiana, a so vœlta desvilupada sora l'idea, de

ereditaa grega e latina antiga, segond la qual la grafia la representa i son

e i son, prononziads mecanegament, i representen i segnifegads (cfr.

Iannàccaro 2005: 104). Da qell'idea qì la vegn a volter48 la tradizion dei

ortografie fone(ma)tege qe g'hann per obietiv la representazion

univoca de la prononzia (a l'incontra i elements diafonemeg e logogra-

feg de l'ortografia qe ve inxubissi g'hann per obietiv el plussee facil e diret

recognossiment dei morfema - donca dei segnifegads - da part del leitor);

b. la presuposizion qe vun qe l'è stait alfabetizad in italian, e donca l'è

usad a un'ortografia fondamentalment fone(ma)tega, al fa tropa fadiga a

usar-s a un'oltra concezion de ortografia. In realtaa, comè qe hem jemò

remarcad, de forme logografege e etimolojege ge n'è comè49 anca ind

i ortografie inglesa e francesa - intra i tante - e sovenz de manera

sincronegament minga motivada, per el manc dal pont de vista fonografeg

(tegnem a ment: perqè speech ma speak?... perqè ville ma anca fille?...).

Implunemanc però i italograf qe studien qei lengue qì imprenden la so

ortografia senza trope trajedie. Donca al sarà anc'mò plussee facil

imprender a drovar un'ortografia fonografegament plussee regolar per

quei qe la lengua la parlen jemò o, per el manc, la capissen;

47 ogni poc = ogni picol
48 la vegn a volter = la vegn fœra, la deriva, la devegn
49 comè = paregg

20