Page 34 - Lombard language
P. 34
Scriver Lombard, un'ortografia polinomeg-local per la lengua lombarda · Lissander Brasca · Maj 2011 · L99
massema oposizion fonemega diasistemega, çoè de esprimer per esempi i
oposizion < meza (mitaa) : mesa (ass da cuxina)> , < poz (de l'aqua) : poss (qe
l'è plu fresc) > ind i province indovè qe qei oposizion qì i se realizen e, anca siben
domà visivament, anca ind i oltre province;
3.2.5. -s digrafega e logografega per el masqil plural despœ de -t e -d. Per
esempi representen tant i prononzie de Bg, Bs, Crema etc.
[ ri'at∫, rat∫, kNt∫ ] qe i prononzie de Mi, Co etc. [ ri'va:, rat, kNt / kNt∫ ]. La g'ha
i qualitaa qe mostri qì adree:
a. comè element dei digraf < -ds, -ts >, la marca la prononzia africada
palatal de Bs, Bg e Crema senza alterar la representazion del morfema lessegal in
< rat + s > e del morfema del participi passad < -d > in < rivad + s >. La
representa anca vuna dei possibel etimolojie prusmade74 da la teoria diacronega.
L'oltra possibilitaa, sariss a dir < -i > drovad comè element digrafeg, al
mantegnaria minga l'integritaa de la strutura sillabega e la ruzaria erroneament a
interpretar [ -ti, -di ]. Pagament75 < -ts > a l'è stait drovad anca dal dialetolog
Carlo Battisti cont el medem valor digrafeg;
. comè logograma per el plural del masqil, credi qe la sia ciara per
b
l'abituden plutost inradixada intra i lombards al plural sigmateg dei oltre lengue
romanze ocidentai e de l'ingles.
El dobi valor fonografeg e logografeg de < -s > al se ved ben ind el
cas de < faits >, participi passad plural del verb far. Ind la provinça de Bg
la so fonzion fonografega de marcar la prononzia africada palatal comè
element del digraf < -ts > a l'è redondant de front a la forma < -it >, qe
ind la Bergamasca (e in d'oltre province) la marca jemò del so l'africada
palatal. La < -s > la representi istess per mantegnir regolar la so fonzion
logografega. La regola sotintenduda la se podariss esprimer inscì: "el
plural masqil despœ de < -t, -d > al se marca cont < -s >".
Comè qe hem vist, sovenz la forma qe cati fœra in su la bas dei criteri presentads
ai ponts 3.1. e 3.2. qì de sora, la coincid con vuna dei forme grafege filolojege,
74 prusmade = ipotizade, presonte
75 pagament = intra l'olter, de soraplu
34
