Page 36 - Lombard language

Scriver Lombard, un'ortografia polinomeg-local per la lengua lombarda · Lissander Brasca · Maj 2011 · L99

identitariament e definitivament limitanta a la qual inscambi obligen i

grafema bandera qe definissaria "esclusiv". Per intender-s: se drovassi

la forma *< mh > per representar uniformement el pronom personal

lombard de prima persona, realizad [ mi ] o [ me ] conforma la provinça,

con l'utilizar convenzionalment el grafema < -h > filolojegament minga

motivad tant per [ i ] qe per [ e ] inauguraria una tradizion domà

lombarda, qe la g'è minga ind l'istoria dei aree romanze confinant. Mi

preferissi sqivar-la una roba compagna per render manc limitativa dal

pont de vista identitari l'adesion a la "nosta" ortografia. I tante grafie-

bandera qe prevedi, inn "bandere inclusive", sgarrissen78 anca ind un quai

olter vent, ind l'istoria leteraria dei rejon romanzo-ocidentai vexine, asca

qe79 in quella lombarda naturalment: ç, -ds, -it, -x-. In Lombardia in

particolar manifesten visivament autonomia storega e tipolojega denanz

de la lengua italiana ma i dixen no subet al prim veder-i80: "questa qì l'è

l'ortografia qe drœven domà i lombards". I unege bandere esclusive

podarien vesser < -qe-, -qi- >, ma la so someianza iconega con < -que-,

-qui- >, drovads per representar i istess son in ocitan, catalan, gallego-

portoges, castelian, frances, lengue de stragranda difusion e tipolojega-

ment e jenealojegament vexine al lombard (cfr. Wartburg 1950), la rend

facil la so interpretazion per i forester e lejera la so carga identitaria

esclusiva;

b. l'è facil da realizar con la tastadura81 "italiana" del computer. I

unege dificoltaa trascurabel inn:

. < œ >, minga inscì frequent, tollerabelment sostituibel cont < oe > ind

i scriture informai e ind i note trade jo in pressa,

. l'opzional < ó >;

de tute i manere memorizar domà vuna o a dir tant do combinazion in su

la tastadura del computer l'è verament facil;

c. la fa arent i lombards del dì d'incœ a la so leteratura plussee antiga.

78
sgarrissen = crien ind el vent, sventolen
79 asca qe = oltra qe
80 al prim veder-i = a prima vista
81 tastadura = tastera

36