Page 35 - Lombard language
P. 35
Scriver Lombard, un'ortografia polinomeg-local per la lengua lombarda · Lissander Brasca · Maj 2011 · L99
çoè atestade ind la leteratura. Dal moment qe la storia de la lengua lombarda l'è
anca una storia de lejera e progressiva diversifegazion jeoletal (ma se atesta
anca la tendenza contraria !), despess qella forma filolojega qì la ge corespond a
la representazion fonematega de quella qe incœ ge dixom una forma etimolojega
o storega, çoè una fas pregressa de qella tal forma lenguistega e qe temp indree
l'era comuna a paregie o a tute le aree lombarde. Però mi preferissi definir minga
etimolojege né filolojege i "noste" forme-koinè per sotliniar l'importanza de la so
fonzion diafonemega, logografega e iconega ind la sincronia atual del diasistema
lombard e la sostanzial independenza de la so cerna dai daits proveduds da la
lenguistega storega e da la filolojia. Se representi l'ideal fas lenguistega comuna
e la representi per mez de una forma filolojega, qella cerna qì a l'è semper
subordinada a la fonzionalitaa de qella forma lì ind l'economia sincronega de la
koinè. Tant l'è vera qe ind un quai poc cas pœdi no dir qe la forma qe hoo catad
fœra l'è etimolojega, per esempi in l' [-ad] al podaria vesser una
forma minga storega per la Lombardia ocidental e dixi aposta "al podaria" perqè
de rexon76 l'è no inscì necessari saver-l. A l'è per qell motiv qì qe dixi qe el
fonograma diafonemeg al representa una fas comuna "ideal" de varie forme
diatopege atuai. In certs olter cas pœdi minga dir qe la forma qe hoo catad fœra
l'è quella plussee filolojega, per esempi el qe drœvi per representar
(derivad da GENTE) al se drœv poc ind la leteratura lombarda e cisalpina
medieval. Però al me par estremament comod per representar la forma comuna
a squas tut el diasistema lombard indovè g'è confluid GENTE , JOHANNE
e PODIOLU e de conseguenza per sqivar de representar
inutilment la variazion sistematega de qella forma originariament comuna ind la
diatopia lombarda del dì d'incœ. In soma,
l'etimolojia e i forme filolojege inn
ressorse fonzionai a la representazion del diasistema lenguisteg lombard
ind la sincronia atual.
Pensi qe la forma grafega filolojega la mena adree vari vantaj:
a. dejà qe la ge corespond a la representazion fone(ma)tega de una
forma lenguistega antiga, la ge partegn a la storia lenguistega de una
zona fiss77 ampia, a segonda del cas gallo-(italega), gallo-romanza,
romanzo-ocidental o panromanza, donca la esprim no una cerna territorial
76 de rexon = segond la lojega, a regor de lojega
77 fiss = paregg, ben
35
