Page 61 - Lombard language

Scriver Lombard, un'ortografia polinomeg-local per la lengua lombarda · Lissander Brasca · Maj 2011 · L99

o a quella italiana: < -qe-, -qi- > se atesten in Uguçon, Pateg, Mataçon,

Sordel etc.; < -ge- > a l'è anc'mò plussee jeneral. < Qe, ge > in particolar

inn anca dei morfema e ne parlarem plussee inanz.

Hoo sqivad < -che-, -chi-; -ghe-, -ghi- > perqè:

. l'utilizazion digrafega de < -h- > la g'ha sens economeg a l'interna del

sistema storeg-lenguisteg toscan e italian ma minga in quell lombard (cfr.

Iannàccaro, Dell'Aquila 2008: 316);

. < qest, qell... > resulten iconegament plussee compagn de < quest,

quell... > cont i quai alternen o dei quai inn variant diatopege, de front

a *< chest, chell... >;

. ind la prospetiva de un prevedibel adatament "plussee fone(ma)teg" de

l'ortografia SL per representar plussee fedelment i son dei vers dei poesie,

< q > + < vocal > senza < u > interpostada, la permet de scriver el

pronom relativ/conjonzion tant < qe > qe < qa >, çoè in do manere

iconegament plussee compagne de front a *< che : ca >. L'istess descors

al val per < ge : ga > de front a *< ghe : ga >. Faxem un esempi,

N
confrontem la fras [ a l savevi 'nka ga pjazeva al tu'ruŋ ] scrivuda con

SL: < a l'savevi no qe ge piaxeva el toron> con l'istessa fras scrivuda cont

un ipoteteg adatament fone(ma)teg de SL: < a l'savévi nò qa ga piaséva

al toron >.

. se drœvom < j > per representar diafonemegament anca / dY / derivad

dal latin -GE-, -GI-, e drœvom < gie, gii > per representar / dY / derivad

dal latin -GLE-, -GLI-, i sequenze < ge, gi > resten automategament libere

per representar la velar, in armonia con < ga, go, gœ, gu >. La

guadagna in regolaritaa l'interpretazion dei forme grafege. Vedem per

esempi i prononzie milanes:

< gia-, gie-, gii-, gio-, giœ-, giu- > = regolarment / dY /

< ga-, ge-, gi-, go-, gœ-, gu- > = regolarment / g /

< ja-, je-, ji-, jo-, jœ-, ju- > = regolarment / dY /

. i digraf (tant'me < -ch- >) in jeneral renden plussee fadigosa la

percezion iconega dei parolle (Iannàccaro 2005).

61