Page 66 - Lombard language

Scriver Lombard, un'ortografia polinomeg-local per la lengua lombarda · Lissander Brasca · Maj 2011 · L99

. comè in ingles, frances, russ, greg etc., l'è minga assee "sentir" comè qe

la se prononzia una parolla per vesser bon de scriver-la;

. tant'me in ingles, frances, russ, greg etc., se usom a108 la forma scrivuda

dei parolle per mez de la pratega de la leitura;

. tant'me ind i paes francofon, anglofon etc., a l'è normal qe una persona

de otema cultura la sia minga segura de comè qe la se scriv una parolla

inusual per lee/lu, situazion ben strana per vun qe l'è usad al sistema

ortografeg italian (ma regordemess: negligente, scentrato...).

A cunts fornids109 tegni per netament superior i vantaj qe la ofriss

un'ortografia polinomega de front ai desvantaj, dal moment qe:

. in media i adults lejen enormement plussee de quant i scriven,

. vun qe scriv al scriv perqè un quaivun d'olter al pœda lejer, minga el

contrari. Donca la facilitaa de la leitura la dovariss incorajar qi qe scriv a

frontar l'imprendiment de la scritura,

. ind i stratejie de revitalizazion dei lengue in pericol compagn del lombard

se tegn la facilitaa de fruizion dei scrits in qella tal lengua per vuna dei

condizion plussee important. L'UNESCO al cita la "acessibilitaa del

material scrivud" intra i 9 criteri principai per el mantegniment

lenguisteg e l'aferma qe "l'è essenzial per la vitalitaa lenguistega"

(Language Vitality and Endangerment, UNESCO Ad Hoc Expert Group on

Endangered Languages Paris, 10–12 March 2003).

108 se usom a = se abituom a
109 a cunts fornids = faits i cunts, a cunts finids

66