Page 68 - Lombard language

Scriver Lombard, un'ortografia polinomeg-local per la lengua lombarda · Lissander Brasca · Maj 2011 · L99

Segond mi, el fait

. de uniformar minga completament i varietaa,

. de drovar dei forme grafege filolojege e

. de sqivar asquas del tut i grafema-bandera "esclusiv"

al rend l'ortografia Scriver Lombard particolarment adeguada a represen-

tar modernament l'identitaa lenguistega dei noste terre (e l'istess

descors al podaria valer per qi le sa quante oltre "terre" del mond) comè

un continuum storeg e jeografeg, concentreg e policentreg, in linia

cont i daits proveduds da la jeografia lenguistega e da la lenguistega

storega, e minga comè un discretum, çoè un mosaeg de unitaa

netament descompagne misse arent vuna de l'oltra, comè i daits de

l'osservazion scientifega negen qe al sia. Adotar SL per el nost jeolet al

presuponn minga per num, né l'imponn ai olter, una cerna identitaria

artifiçalment escludenta e categorega; al contrari l"imajen identitaria" qe

speri e pensi qe la comunega qella "nosta" ortografia qì l'è definida domà

in su la bas de la scompartizion de traits lenguisteg, donca (1) l'è

respetosa tant de la omojenitaa qe de la diversitaa lenguistega interne a

la Lombardia e intra la Lombardia e i rejon confinant, (2) l'è independenta

da ogni sort de idea o sensazion identitaria qe, anca siben del tut lejitema,

la g'habia minga una motivazion lenguistega, (3) né l'è strumentalment

"costruida"111 per indur artifiçalment una sensazion de diversitaa vers i

jeolets gallo-(italeg) confinants: qualsessia sensazion de partenenza

cultural e territorial prœvom, qualsessia logament tassonomeg i g'habien i

jeolets qe parlom a l'interna del continuum lombard e gallo-(italeg), qella

ortografia qì la vœl

. representar l'identitaa plussee profonda e comuna dei nosts jeolets

(definida domà in su la bas de la scompartizion de traits lenguisteg) per

. render-i reciprocament plussee comprensibel ind i scrits (e conte-

stualment plussee comprensibel anca per tuts i olter romanzofon), donca

. dar-g plussee de sens economeg a la so utilizazion ind i comunegazion

scrivude interprovinçai e

. inzigar inscì la so utilizazion scrivuda anca ind i contests "volts", ind el

comerç, ind el jornalism etc. e far-n cresser de qella manera qì la

111 Cfr. a tal proposet el concet de Ausbau, in Kloss 1967.

68