Page 73 - Lombard language
P. 73
Scriver Lombard, un'ortografia polinomeg-local per la lengua lombarda · Lissander Brasca · Maj 2011 · L99
3. Forme-koinè indovè qe emerj plussee i "proprietaa" 1, 2 e 3 de SL (intra qei do
varietaa qì in particolar)
I bagai qe i canten int el cor de S. T. i enn stats protagonista de la tesi de
dotorad de... Vog
TEST 3
Test lenguistegament bergamasc121, scrivud in grafia fone(ma)tega
Intàt che ‘l dé de Pentecòst a l’éra dré a fenì, i dissèpoi i éra reünìcc töcc insèma
‘n cà. Töt in d’ü momènt a l’s’è sentìt ü trù egnì zó del cél, compàgn d’öna
sbompada de ènt che l’à ‘mpienìt töta la stansa de chèla cà. E s’è ést vergót cóme
i föss tate lèngue de fögh ch’i se spartìa e i egnìa zó, ògne öna sö ü de lur e töcc
i è stacc impienìcc del Sant Ispéret, in manéra che i à tacàt a parlà ‘n di ótre
lèngue, segónd la fórsa che ‘l Ispéret a l’ghe dàa.
L'istess test lenguistegament bergamasc ma in koinè ortografega SL
Intant qe ol dé de Pentecost a l'era dre a fenir, i dissepoi i era reunids tœts
insema in ca. Tœt ind un moment al s’è sentid un tron vegnir jo del cel, compagn
d’una sbompada de vent qe l'ha impienid tœta la stanza de qella ca. E s’è vest
vergot come i fœss tante lengue de fœg q’i se spartiva e i vegniva jo, ogne una
su un de lor e tœts i è staits impienids del Sant Isperet, in manera qe i ha tacad a
parlar ind i otre lengue, segond la forza qe l'Isperet al ge dava.
L'istess test ma lenguistegament milanes 'arios' e in koinè ortografega SL
Intant qe el dì de Pentecost a l'era dree a fenir, i discepol eren reunids tuts
insema in ca. Tut ind un moment a s’è sentud un tron vegnir jo del cel, compagn
d’una bofada de vent qe l’ha impienid tuta la stanza de qella ca lì. E s’è vist
vergot come i fussen tante lengue de fœg qe se spartiven e vegneven jo,
ogniduna su vun de lor e tuts i enn stads impienids del Spiret Sant, de manera qe
hann tacad a parlar ind i oltre lengue, segond la forza qe el Spiret al ge dava.
121 Test ciapad da: http://digilander.libero.it/alpdn/Biblioteca/LaMessaDePentecost.pdf
73
